|
| 都有成半個月無寫blog啦~~~懶左好多~~~hehe 返到黎澳門,就開始學車啦,就快考啦,好緊張好興奮~~渣車車好好玩呀^^~~~ 跟住又好"奇妙地"俾我搵到份part-time,因為假期唔長,又新年,加上宜家又金融危機,想搵part-time做下都無咁易呀~~ 咁我就好努力地做左三日半part-time啦,因為呢份part-time係臨時架,幾日時間得架啦,雖然係part-time,但係我就對red wine有左少少認識(因為我係wine cellar度做ge) 情人節前都有part-time做,都係臨時幾日,幾好呀~~~我幾中意咁,又唔洗好似full-time咁日日返工,又唔洗整個假期返工,可以俾自己多啲時間做自己野,休息下~ 加上又要學車wo,所以一切以學車為先ge~~~hehe~~~ 不過我已經習慣左放假都唔可以俾自己休息,所以成日都會搵野做,填到自己啲時間滿滿ge,好中意生活過得充實啲,唔中意"浪費"自己的時間,虛耗自己的人生咁~~^^~~ 年三十晚我就去左大陸個邊住,到初六朝早先返黎,好爽呀~~~新年係屋企睇下電視呀,陪下屋企人,同表哥表嫂買材料返屋企打邊爐呀,又唱卡拉ok,又睇dvd...真係好happy呀~~~ 平時都無好好咁休息下,趁今次放假真係好好relax一下,身體同腦筋都要放鬆放鬆下...hehe...而且我今次主要都要多啲陪屋企人,所以放假到宜家我都無乜點出去....真係超乖呀^^ 呵呵~~~除左返黎個時打過兩次波,都無落去打過波啦,真係好懶呀><><" 點算呀~~~ 係啦,生日個晚老大,老四,小容,亮亮,逸茗我地六個去左打邊爐,大家都玩得好high,好開心,真係好開心呀,好多謝你地呀,你地玩得真係好癲呀~~~加上小容下學期又要同我地分開一陣,所以都算係為你餞行,你要俾心機呀,一齊努力! 今年生日真係過得好開心呀,有同學仔,朋友仔,屋企人陪我過,我覺得好幸福呀!!! 今日係初七人日,我祝各位生日快樂!牛年行大運呀!!!心想事成!!! 新的一年,我要反思過去,展望將來,繼續努力! 過去的確有好多不足之處,我希望可以改正過錯,吸收經驗,努力不放棄,堅持到底,為自己的目標而進步,為自己的將來而奮鬥!!! 只要我相信,相信不放棄,總會能如我所願的! 新的一年,我要活得更好!!! p.s.因為本人惰性所致,所以到宜家先up番啲相上黎~~~請多多包涵啦^^ 睡意漸生 ge bebe上 | | |
| 琴日返左屋企啦~~~ 好舒服呀~~~~~~~~~ 各位得閒就call我出去啦~~~我都幾無聊呀~~~哈哈 | | |
| 好耐都無寫diary啦… 今日off,所以黎左internet center度上網,順便update下啲相… 呢段時間去左Sea World, Busch Garden(係Tampa), Disney(Magic Kingdom),又將universal的USF同IOA玩一遍… 做野方面都係咁,無咩特別,宜家旺季就過啦,啲小朋友都要開學啦,所以都唔會忙足成日,可以relax下咁…^^ 過幾日會去Washington D.C.幾日,旅行幾日咁…同一個fd去自遊行…去下博物館a,雕塑公園a,二戰紀念碑a,白宮a…等等…我覺得maryland係幾值得去ge,相反Miami我唔多想去… 好快我就可以返屋企lo,可以食到媽咪煮ge菜,可以見到朋友仔…………… 不過,返到學校要考試,哎呀…見到梁廣寒的復習內容咁多…真係頭都大晒啦…><><” 不過我要努力溫習呀,喻學習於娛樂!!!^^ 仲要溫下法文,係呢邊幾多,有西班牙語,德語,法文,日語,韓語…咩國家的人都有…有時唔明白我都會問下同事呢句法文點講…哈哈…都幾好呀^^ 係呢邊睇到好多野,體驗左好多野,真係唔出去外面行下,睇下,自己就好似一隻”井底之蛙”,原來外面的世界係如此之大,係呢邊會接觸到好多人,不同國家,不同地區,不同種族,不同膚色,不同語言的人,甚至身體有少少缺陷的人,係呢度會學會如何與人溝通,與人交流,自己亦要學會處理問題,解決問題,因為係呢度唯一可以依靠的人就係自己,要相信自己可以做得到,要對自己有信心,呢段時間睇ge野多左,感受多左,覺得人長大了…….自己想做ge野實左太多啦,但係時間又唔會增多,如果唔努力,只會遺憾!留係呢度的時間唔多啦,好快就會回國,回國之後又係另一段新的旅程…希望係呢度所思所想所看所得的東西都牢牢記住,畢竟這是一種難得的經驗!^^ 係呢度都識到好多朋友,佢地都教左我好多野,如果再留耐啲的話,可能真係唔係好捨得架…哈哈~~~不過我地會KEEP IN TOUCH架,朋友MA~!!^^ 我做野個度有個chef佢係有少許弱聽ge,不過我地係好朋友黎架,而且溝通上係無問題架,加上係澳門都係聾協義工,又學過手語(不過好多唔記得晒lu)...不過唔緊要,有時佢又教下我手語,都幾好玩架,另外有一個洗碗ge都係聾,不過我地都係朋友呀,我做野個度每個人都好nice,好好玩,好funny架^^ 呢個星期有hurricane黎,不過最後好似都無登錄,但係受到佢的影響,呢個星期都大風大雨,咁都幾好呀,唔會太曬,曬到變朱古力la!~~哈哈~~~但係啲風真係幾勁><><” 宜家下午五點二十分啦…今日一點幾黎上網上到宜家,啲相仲未up完,internet center好似六點要關門啦,所以我好快要返屋企lu… 今晚食乜好呢??!!整pasta食啦,煮香腸食,煮埋西蘭花…係wo,之前買左蝦,睇下整唔整埋黎食啦~~~………………. 中午都無食野a…今朝食左少少野咋…宜家好肚餓呀… 上多一陣就返去啦……………………………. p.s. 好期待回家的那一天,好期待與你們見面的那一天,好期待九月的晚空…… 掛死你地ge bebe上 | | |
| 已經成兩個幾星期無上網啦... 今日同聽日都off,所以今朝黎左商務中心上網... 上星期我打敗仗,又發燒感冒又喉嚨痛,宜家好番好多lu,不過仲有啲咳,早幾日隻眼又發炎...不過買左眼藥水好番好多lu... 加上又返工,所以都無乜時間,今個星期我轉左另一間餐廳呀,間餐廳好正架,有人order先整野食,salad呀,菜呀,burger呀...總之好過之前個間啦,哈哈,雖然都好忙好多野做,不過好開心~~~^^ 之前又去左universal玩左一日,去左island of advanture入面玩,studio個邊仲未玩呀,city walk都未添...影左啲相,放在係space度呀...好"fresh"架... 仲影左屋企附近少少景,仲有我部單車添...hehe... 琴日同媽咪傾完電話,好開心呀~~~前幾日都同二家姐傾左電話,亦都知道大家最近的近況...同埋珈悅仔傾電話添呀~~~呵呵~~~好sweet sweet呀~~~^^ 啱啱check email又收到friend的mail,好開心呀~~~ 今日off可以relax一下,休閒一下,一陣整啲咩食好呢?~~整薯仔食啦,hehe~~~仲有粟米,哈哈~~~ 好想打羽毛球呀~~~~><><" 宜家先七月廿幾號咋~時間過得好慢呀><><" 機票個度點好呢~好想改機票呀~但係~~~~~係唔係唔好改好啲呢~...... 呢兩個幾星期都無同"姐姐"傾啦~佢返左屋企又無佢個邊電話wo~唉~~~都唔知佢收唔收到我俾佢的留言添... 哎呀~~~up完相,睇左"最美麗的第七天",上完網...有啲攰添...都係返屋企啦~~~hehe~~~ 有時間再上啦~~^^ relax緊 geBeBe 上 | | |
| 都已經好多日無寫blog啦... 因為要返工,無咩時間上網...而且又要做曾sir的考試... 我唔記得我有無講過我做咩呢...我係universal度做line-cook,即係cook啦,哈哈,合晒我啦,咁鐘意整野食^^ 上星期返左五日工,係kidzone pizza度做,成日都整pizza,都唔算太辛苦,還可以啦... 不過,今個星期轉左去Mel's Drive-in度做,唉....好鬼死熱呀...係度炸chicken,薯條,炸洋葱圈,漢堡等等,係啲好熱的機器旁邊(唔知點叫啲機器),熱到我飛起,仲要被燙到左幾次,唉...我本身已經係一個怕熱怕火怕燙怕油的人...之前都被油滴到幾次,不過都無咩事ge...算啦,我要克服呀!!!哈哈~~~~~~~ Mel's Drive-in個度超多人,忙到透唔到氣呀><><"~~~我每日平均返工七-八小時,一星期at least返30-32小時就ok啦... 我覺得基本上啲人都好nice,只係有個別美國人都衰,好唔友善,對中國人唔多好........... 最令人憤怒的事係幾日前放工返屋企途中等紅綠燈過馬路的時候,我地有四個人同行返屋企,因為夜晚九點幾啦,自己一個會比較危險,跟住等的時候無端端俾人潑水,個班男人係車入面ge,當行駛到斑馬線旁邊的時候就開門將水潑過黎我地身上,當時我地都唔知發生咩事,淨係好無奈好無語咁望住架車離開,而我就覺得啲水好凍,一時反應唔過黎,後來唸落覺得好嬲,覺得美國人真係好衰,剛好個日係美國國慶節(7月4日),我覺得佢地好似攞我地中國人當娛樂工具lo,我超級生氣呀!!!佢地咁對我地,難道佢地唔怕人地同樣咁對番佢地咩?!?!?!?!!!!!實在太過份啦!!!!哼!!! 不過,算啦...始終呢度都唔係自己的地方,又唔熟悉,好陌生,凡事都要忍,有時候係街度無端端俾美國佬開車窗罵粗話都有,我地只可以當聽唔到,就算啦...唉.....呢個地方我實在對佢無乜好感...甚至開始有啲"討厭"...唔想再係度多一分鐘咁...我好掛住我的國家,我的家,我的家人,我的朋友...我地同行的中國人都有遇到類似的情況...就係外國人對我地好唔友善...但係又可以點呀...只可以"忍"......畢竟係呢邊凡事都要小心...... 今個星期我有三天off,但係都要用黎做曾sir的考試啦,聽日偷懶半日啦,約左Esabella一齊去outlet行下,當relax下,黎到呢邊都無點出去行,淨係去下wal-mart,supertarget一次,上次去macy's都係走馬看花咁行過...聽日難得偷得半日閒,我要好好relax一下呀,hehe~~~~~~~~ 我買左單車,係二手車,我地大部分中國人都有買,我架車應該今晚會到,好期待但又好害怕,因為唔知好唔好踩ge呢,hehe~~~ 咁以後返工就可以踩車去啦,唔洗等巴士,時間可以控握到少少,hehe...不過踩去都要半個鐘架,琴日返工就問Esabella借左車返工,嘩~我未到咋,已經成件衫濕晒啦,超熱超曬超攰...哈哈...我唸我就黎變"朱古力"啦....哈哈!!!~~~ 一陣過去fd度"痴"餐,hehe...睇下電影咁...因為今日做曾sir的考試做到好攰,仲未做完,還需努力... 宜家先7月7日(呢邊時間)咋...幾時先到九月份呀><><"...好期待回家的日子呀!!! 好好好掛住屋企呀!!!好掛住你地呀!!!!!!!!!!!!!!!!!! 你地呢???有無掛住我呢?????!?!? 超級掛住屋企 ge bebe上 | | |
|
|
BeBe Words
|
|
Welcome to my xanga!
This is my first website~~~~~~~
|
|
